Mbrëmjen e 20 majit në programin “Opinion” u diskutua mbi dosjet 399 dhe 184 si dhe për thirrjen e Vangjush Dakos nga prokuroria e krimeve të rënda.
A po ndikon ngadalësia e Prokurorisë në hetimin e dosjeve 339 dhe 184 në thellimin e krizës politike në Shqipëri, çfarë janë këto dosje, sa reale janë ato, çfarë i lidh bashkë, përse opozita i ka kthyer në kartën kryesore për betejën e votës së lirë, ishin disa nga çështjet që u trajtuan nga Mark Marku, Klodiana Lala, Carlo Bollino dhe Artan Hoxha.
Në pjesën e tretë u shfaq një kronikë mbi përgjimin që rrëzoi qeverinë austriake, që është transmetuar pjesërisht nga dy media gjermane ku shfaqet zv/kancelari Heinz-Christian Strache duke dialoguar me një oligarke ruse pak muaj përpara zgjedhjeve kombëtare. Sipas përgjimeve Strache i premton tendera publikë dhe favore oligarkes. /Opinion.al
