Emisioni “Opinion” mbrëmjen e të enjtes diskutoi të gjitha zhvillimet kryesore në prag të zgjedhjeve parlamentare të Kosovës.
Më 9 Shkurt qytetarët e Kosovës u drejtohen qendrave të votimit për zgjedhjet parlamentare. Që prej 11 janarit në Kosovë ka nisur fushata zgjedhore. Në garë për të formuar qeverinë e re që do të qeverisë vendin janë 28 subjekte politike. Zgjedhjet e këtij viti në Kosovë organizohet në kuadër të një ligji të ri. Votuesit, numri i regjistruar i të cilëve është 2.075.868, mund të votojnë deri në 10 kandidatë të të njëjtit subjekt politik.
Të ftuar: Ornela Çuçi, Armand Shkullaku, Agim Nesho, Baton Haxhiu, Idaver Sherifi
Gjithashtu e ftuar në studion e “Opinion” ishte motra e 12-vjeçarit që humbi jetën te Pediatria, më 8 janar.
“Dua drejtësi për vëllain tim”, kështu është shprehur mes lotësh motra e 12-vjeçarit nga Maliqi i cili ndërroi jetë orët e para të 8 Janarit 2025, në spitalin Pediatrik të Tiranës. Anastasia Sadiku ka rrëfyer se si humbi vëllanë e saj “prej neglizhencës totale të mjekëve për simptomat e tij”.
E reja thotë se mjekët në Shqipëri pretenduan se i mituri kishte virozë, ndërkohë që bluzat e bardha në Greqi, Itali e Gjermani kanë konfirmuar se bëhej fjalë për “infeksion bakterial”. Sipas Anastasias, Leo nuk kishte pasur asnjëherë më parë probleme me shëndetin e se madje luante futboll, ëndërr që fatkeqësisht iu pre në mes.
Në pjesën e tretë të emisionit “Opinion” në Tv Klan vjen në një intervistë ekskluzive një gazetare britanike. Alice Taylor mbërriti në Shqipëri fillimisht për 3 ditë me një biletë të lirë, vetëm për të parë vendin tonë. Por, një dhimbje veshi bëri që qëndrimi i saj të shtyhej. Doktori i këshilloi që të qëndronte dhe 3 ditë të tjera. Shoqëria me disa miq në “Pazarin e Ri” në Tiranë dhe pirja e disa tekeve raki bëri që qëndrimi i gazetares britanike të shtyhej edhe me 3 javë të tjera. Kjo shtyje e largimit të saj nga Shqipëria ishte sinjali për një qëndrim të përhershëm.
