Të enjten në studion e emisionit “Opinion” ishin përfaqësuesit e partive të reja, që janë risi në këto zgjedhje, të cilat njëkohësisht janë në garë njësoj si partitë e tjera.
Në qendër të diskutimeve ishin zgjedhjet elektorale, programet e strategjitë politike.
Më 11 maj 2025 shqiptarët u drejtohen kutive të votimit, për zgjedhjet elektorale që do të zhvillohen në vend.
Të gjitha partitë janë të përqendruara për programin e tyre sa i përket fushatës elektorale.
Të ftuar: Fatjona Mejdini, Arlind Qori, Agron Shehaj, Adriatik Lapaj, Endrit Shabani, Baton Haxhiu, Fatos Hakorja, Mark Marku
Në historitë e të enjtes në “Opinion” në televizionin Klan tregohet një histori mjaft interesante. Persida Shkrepa është një arkitekte e cila u shpërngul nga një qytet i vogël i Shqipërisë në Tiranë për të vazhduar studimet e saj në Universitetin Polis. Punoi disa kohë dhe më pas vendosi që të hapë studion e saj. Ajo ka sot më shumë se 30 të punësuar me projekte nga më të mëdhatë. Shkrepa jo vetëm që ushtron profesionin e saj, por ka lënë gjurmë nëpër shumë spote arkitektonike të Shqipërisë. Në një intervistë të veçantë ajo rrëfen gjithë rrugëtimin e saj.
