TIRANË- Një prej shqetësimeve kryesore të shqiptarëve, të atyre që udhëtojnë shpesh, janë çmimet e shtrenja të biletave të avionëve. Ky shqetësim, i shprehur prej kohësh dhe i rënë në vesh të shurdhët do të jetë pjesë e debatit të sotëm në emisionin “Opinion”. Pyetjet që do të shtrohen për diskutim janë: A ka Shqipëria biletat më të shtrenjta në rajon? Kush mban përgjegjësi për situatën, linjat e avionëve, aeroporti apo shteti? A janë një zgjidhje aeroportet e rinj? Kush mund të jetë zgjidhja përfundimtare?
Për të folur për këtë temë do të jenë në studion e “Opinion”, Ervin Minarolli nga Aviacioni Civil, Krislen Keri nga Ministria e Transporteve, Ornela Zholaj eksperte udhëtimesh, Ornela Liperi gazetare Arlinda Causholli nga TIA, Lindita Lati nga Autoriteti i Konkurrences dhe Besart Kadia ekspert ekonomie.
Ju mund të bëheni pjesë e këtij debati, përmes sondazhit e komenteve në Facebook si dhe nga sonte edhe në faqen zyrtare: Opinion.al
