Mbrëmjen e së mërkurës në emisionin “Opinion” me drejtues Blendi Fevziun u trajtua tema e zgjedhjeve të parakohshme në Kosovë, të cilat do të zhvillohen të dielën e 6 Tetorit.
Kosova do të zhvillojë zgjedhje të parakohshme për të stabilizuar një sërë problematikash që ka akulumuar në dy vitet e fundit që nga zgjedhjet e vitit 2017, ku pika e parë dhe kryesore mbetet ajo që lidhet me raportet e mëtejshme me Serbinë.
Pikë mjaft e rëndësishme është taksa që qeveria e Kosovës ka vendosur ndaj produkteve serbe, e cila është kërkuar të hiqet ose pezullohet nga shumë partnerë ndërkombëtarë.
Gjithashtu u trajtuan gjatë emisionit edhe figurat kryesore që konkurrojnë në këto zgjedhje.
Të ftuar për të folur rreth kësaj teme në pjesën e parë ishin, ish-ambasadori në OKB dhe SHBA, Agim Nesho, politologu Adri Nurellari, anëtar i kryesisë së PD-së Kreshnik Çollaku, këshilltar i ministrit të Punëve të Jashtme në Kosovë Jetlir Zyberaj, ish-deputetja e Lëvizjes Vetëvendosje Arberie Nagavci, gazetari Çim Peka dhe në lidhje direkte gazetarja Blerta Dalloshi Berisha.
Pjesa e dytë e emisionit vijoi me një intervistë të zv.Kryeministrit dhe ministrit të Jashtëm Behgjet Pacollin dhënë gazetarit Baton Haxhiu për emisionin Opinion./Opinion.al/
