Është diskutuar të mërkurën (1 dhjetor) në emisionin “Opinion” mbi temën “Berisha në Tropojë, akuza ndaj Bashës”.
Emisioni “Opinion” ka trajtuar sërish zhvillimet brenda Partisë Demokratike, ku duket se po afrohet përplasja mes dy grupimeve që kontestojnë njëri-tjetrin, atë të ish-kryeministrit Berisha dhe mbështetësve të tij që me mbledhjen e më shumë se 4200 firmave kanë thirrur Kuvendin Kombëtar të PD në 11 dhjetor dhe kreun e PD Lulzim Basha që me miratimin e kryesisë ka thirrur Kuvendin Kombëtar më 18 Dhjetor.
“Opinion” është fokusuar te vizita e Berishës në Tropojë, në kuadër të “Foltores” si dhe te akuzat dhe pikëpyetjet: A i ka Berisha firmat për hapje dhe kuorum? Çfarë do të ndodhë më 11 po u mblodh Kuvendi? Ku do mblidhet Kuvendi i 11 Dhjetorit (vendi). Si do të verifikohen delegatët? A do të shkarkohet Basha? Çfarë pozicioni do të ketë Berisha në datën 11? Çfarë do të ndodhë më datën 12 dhjetor? A do të ketë 18 nëse ndodh 11 dhjetori? A do të ndërhyjë Rama në garën e PD? Këto çështje janë diskutuar me të ftuar në studio:
Alba Alishani,
Blendi Salaj,
Ambrozia Meta,
Juxhin Mustafaraj,
Everest Dedaj,
Marsela Karapanço
Në pjesën e dytë e të tretë është transmetuar një intervistë me Lumir Abdixhiku, kryetar i Lidhjes Demokratike të Kosovës, partisë që pati rritjen më të madhe të zgjedhjeve vendore në Kosovë.
