Mbrëmjen e të mërkurës në emisionin “Opinion” u diskutua lidhur me lirimin e ish-kryeministrit Sali Berisha.
Pas 333 ditësh kryedemokrati Sali Berisha është liruar nga arresti i shtëpisë, vendim i cili u caktua më 30 Dhjetor 2023. Vendimi është marrë nga gjyqtarja e GJKKO Flojera Davidhi, që ka sjellë revokimin e masës së sigurisë ndaj ish-Kryeministrit Berisha.
Pas lirimit nga arresti shtëpiak kryedemokrati u prit në selinë blu të PD nga shumë simpatizantë të partisë së tij. Për lirimin e Sali Berishës nuk munguan as reagimet nga ndërkombëtarët.
Të ftuar: Baton Haxhiu, Armand Shkullaku, Ergys Mertiri, Marsela Karapanco, Floriana Garo
Në pjesën tjetër të emisionit “Opinion” ishte në një intervistë regjisori Bruno Carnide, i cili ka treguar se ka realizuar film me Inteligjencën Artificiale brenda 24 orëve. Kjo e bën atë të parin regjisor në botë që arrin të realizojë diçka të tillë.
