Të hënën në mbrëmje në studion e emisionit “Opinion” u diskutua për arrestimin e kryebashkiaku Erion Veliaj.
Kryetari i Bashkisë së Tiranës është ndaluar nga agjentët e Byrosë Kombëtare të Hetimit. Oficerët e kanë shoqëruar në ambientet e Policisë së Tiranës. Deri në atë moment ai ka qenë në një mbledhje rutinë, në momentin që ka dalë nga zyra, është lajmëruar që e prisnin agjentët. Ai është transferuar në zonën e sigurisë në Tiranë. Arrestimi i tij ka ngjallur mjaft reagime. Kush janë personat që SPAK nga vendosur masat e sigurisë? SPAK ka njoftuar përmes një deklarate arrestin me burg të Veliajt, arrestin në shtëpi të Ajola Xoxës, arrest në burg për Elman Abule dhe masën e sigurisë për 5 biznesmenë të tjerë. Pak momente pas dhënies së lajmit, një foto e shkrepur e tregon Ajola Xoxën në aeroportin e Romës në një prej avionëve që do të mbërrinte në Tiranë. Ajo është pritur nga agjentët e BKH dhe policisë. E shoqëruar nga dy makina, ajo është transferuar nga aeroporti i Rinasit drejt shtëpisë së saj ku do të qëndrojë nën arrest shtëpie.
Të ftuar: Artan Hoxha, Gerta Zajmi, Klodiana Lala, Arber Hitaj, Alfred Lela, Berat Buzhala. Në lidhje direkte: Elvi Fundo, Jordan Daci, Merin Maçi
Në pjesën e tretë të emisionit u diskutua lidhur me zgjedhjet parlamentare të zhvilluara në Kosovë ditën e diel.
