Të enjten ( 29 shtator 2022) në emisionin “Opinion” ka qenë e ftuar ambasadorja amerikane në Tiranë Yuri Kim.
Pjesa e parë e emisionit u përqendrua në ngjarjet e fundit politike në vend.
E ftuar në studio
1.Ambasadorja amerikane Yuri Kim
Intervista, e cila zgjati rreth 50 minuta u fokusua në zhvillimet e fundit të raporteve mes Shqipërisë dhe SHBA-së dhe jo vetëm.
Ambasadorja Yuri Kim foli për një sërë çështjes të tjera që lidheshin me raportetet Shqipëri-SHBA, me problematikën e Shqipërisë me Iranin dhe rolin e SHBA, si dhe u diskutua për mënyrën se si Shtetet e Bashkuara të Amerikës e shikojnë luftën në Ukrainë, luftën kundër terrorizmit dhe financimet ruse. Pjesë e intervistës ishte dhe politika e brendshme shqiptare.
Për më tepër ndiqni intervistën e plotë në linkun e mëposhtëm
Në pjesën e dytë të emisionit u fol për “Qëndrimet amerikane për politikën shqiptare”
Të ftuar në studio për të folur për temën ishin:
1.Armand Shkullaku
2.Prec Zogaj
3.Artan Hoxha
4.Baton Haxhiu
5.Jonida Shehu
Gjatë kësaj pjese të emisionit u diskutua për disa nga pikat kryesore të dala nga intervista me ambasadoren amerikane Yuri Kim.
Çështjet për të cilat u fol ishin : financimi rus, takimi i Yuri Kim me kreun e Partisë së Lirisë, Ilir Metën, për rezultatet e SPAK, për krimin e organizuar, për inceneratorët, sulmet kibernetike të Iranit kunddrejt Shqipërisë, për largimin e Gledis Nanos nga posti i Drejtorit të Përgjithshëm të Policisë së Shtetit, si dhe për marrëdhënien e ambasadores Yuri Kim me Partinë Demokratike që drejtohet nga Sali Berisha.
Për më shumë mund të ndiqni emisionin e plotë në linkun e mëposhtëm.
