Ministri i Financave Arben Ahmetaj me një ndërhyrje në emisionin “Opinion” ka sqaruar disa elementë lidhur me taksën e re të TVSH-së që do të hyjë tek biznesi i vogël.
Pyetjes së drejtuesit të emisionit, nëse po vendos qeveria një lloj laku për 450 mijë familje dhe nëse do të ketë biznese që do të falimentojnë nga kjo taksë, Ahmetaj i është përgjigjur:
Sa do të ndikojë kjo rritje në rritjen e çmimit për konsumatorët?
A ka ndonjë mall që prodhohet në Shqipëri apo importohet në Shqipëri që nuk e ka të përfshirë 20%? çdo mall e ka 20%, ose paraqitet në faturë ose është e përfshirë, që do të thotë: Nuk ka taksë të re. është shtrirje e deklarimit. Unë jam i bindur, që i njëjti çmim është në një biznes të vogël dhe në biznesin e madh.
E dyta, që është shumë e rëndësishme. Për arsye të TVSH-së asnjë biznes nuk do të falimentojë. Ekonomia ka efektet e veta në çdo lloj biznesi, por jo TVSH.
Por Ahmetaj ka deklaruar, se ka disa biznese që do të përjashtohen nga TVSH duke përmendur:
Zejtarinë
Fermerët
Profesionet e lira që kanë vendim në gjykatën kushtetuese
Berberet
Tregjet e bashkive
