Të enjten, në emisionin “Opinion” u diskutua lidhur me zhvillimet e fundit që vijë nga SPAK.
SPAK është kryefjala e vetme në Shqipëri, e politikës, e mediave, është debati i përditshëm në Tiranë. I gjithë fokusi dhe kamerat janë fokusuar në SPAK.
Çfarë po ndodh me SPAK-un? Kush e ka radhën? Në cilën derë do të trokasë SPAK? Pyetja më interesante së fundmi bëhet nëse SPAK po afrohet të trokasë në derën e kryeministrit që konsiderohej si një derë e pamundur.
Ka një reagim të Ramës që vjen pas arrestimit të kryetarit të bashkisë së Tiranës, Erion Veliajt. Rama ka qenë i përditshëm për të treguar që SPAK po tejkalon limitet e veta.
Të njëjtën tentativë e ka pasur edhe kryedemokrati gjatë kohës që ishte në arrest shtëpie ku deklaronte se SPAK po tejkalonte të drejtat e tij duke i shërbyer Ramës, ndërsa ky i fundit thotë se i shërben Berishës.
Të ftuar: Artan Hoxha, Ornela Çuçi, Blendi Klosi, Ivi Kaso, Anri Bala, Eugen Beçi.
Para se të nisnin diskutimet, në studion e “Opinion” gazetari Merin Maçi bëri një raportim lidhur me vrasjen e vajzës me origjinë të huaj, në Tiranë.
Historitë e së enjtes në “Opinion”/ Makina e parë e blinduar, “Shota”, një prototip i prodhuar nga një kompani shqiptare që përfaqësohet nga Arjeta Puca, emigrante që prej moshës 3-vjeçare në Turqi dhe u kthye prej andej në moshën 30-vjeçare. Ajo ka prodhuar ambulanca, zjarrfikëse për projektet e Bashkimit Europian, SHBA, luftën e Ukrainës, Gazës etj, por edhe makinën e parë të blinduar shqiptare. “Shota” është paraqitur në panairin e Parisit dhe pritet të ketë një mundësi për t’u prodhuar në seri.
