Është diskutuar të enjten (3 shkurt) në emisionin “Opinion”, mbi temën“A do të shkarkohet Ilir Meta”.
Emisioni “Opinion” është fokusuar te seanca e zhvilluar në Gjykatën Kushtetuese lidhur me kërkesën e Kuvendit për shkarkimin e Presidentit, Ilir Meta, ndërkohë që seanca e radhës pritet të zhvillohet të hënën.
Çfarë po ndodh në Gjykatën Kushtetuese? Cili pritet të jetë vendimi? A do të ketë Shqipëria një President të shkarkuar apo jo? Çfarë do të ndodhë nëse Meta shkarkohet? Këto pyetje janë diskutuar me të ftuar në studio:
- Artur Zheji
- Artan Hoxha
- Mark Marku
- Enida Bozheku
- Preç Zogaj
- Baton Haxhiu
- Alket Hyseni
Në “Opinion” është diskutuar edhe për letrën që Ministria e Jashtme e Rusisë e drejtuar nga Sergei Lavrov i ka dërguar Ministrive të Jashtme të Evropës, përfshirë edhe vendit tonë lidhur me tensionet në Ukrainë, ku kërkon që vendi ynë të mbajë një qëndrim konkret për këtë çështje, si dhe vendimin për ish-ministrin e Brendshëm, Saimir Tahiri. për të cilin SPAK ka kërkuar 12 vite burg por si rrjedhojë e gjykimit të shkurtuar i reduktohen në 8 vite heqje lirie.
Në pjesën e tretë të emisionit “Opinion” është transmetuar një material mbi historinë e zgjedhjes së presidentëve në Republikën e Shqipërisë.
