Emisioni “Opinion” në Tv Klan mbrëmjen e të martës i kushton homazhe Pavarësisë së Kosovës.
Më 17 Shkurt Kosova festoi 17-vjetorin e Pavarësisë. Ndërkohë që në fund të Marsit bëhen plot 26 vite që nga ndërhyrja e NATO-s. Në pjesën e parë dhe të dytë të emisionit ritransmetohet dokumentari “72 orët e Pavarësisë së Kosovës”, i cili është një dokumentar që është realizuar kur Televizioni Klan ka mbuluar krejtësisht Pavarësinë e Kosovës.
Një dokumentar i cili është realizuar 48 orë pas shpalljes së Pavarësisë. Ky është ndoshta i vetmi dokumentar që përcjell frymën, entuziazmin, shpresën dhe krenarinë e gjithë shqiptarëve për këtë ditë të madhe.
Në pjesën e tretë të emisionit “Opinion” u ritransmetua dokumentari “Prishtina tjetër”. Një dokumentar i cili takon 24 orëshit të parë, kur trupat e NATO-s hynë në Kosovë pa u larguar ende trupat serbë. Ky dokumentar tregon momentet e para të forcave të NATO-s. Prishtina ishte e zbrazur, trupat serbë ende ishin në qytet, por të mbyllur në kazerma. Kamera e Televizionit Klan udhëtoi në atë kohë nga Tetova në drejtim të malësisë së Drenicës me Hashim Thaçin kryetarin e qeverisë së parakohshme të Kosovës./Opinion.al
