Emisioni “Opinion” i datës 6 tetor 2022 ishte i ndarë në tre pjesë të ndryshme.
Në pjesën e parë të emisionit u fol për pengmarrjen e ndodhur pak ditë më parë në autostradën Tiranë-Durrës, nga e cila u zbuluan dhe një sërë ngjarjesh të tjera që çuan në arrestimin e disa personave.
Kush ishin personat? Çfarë vrasjesh ishin porositur? Përse këta persona? Si shpjegohet që vrasësit me pagesë janë kthyer në një fenomen kaq të zakonshëm në shoqërinë shqiptare?
Këto ishin disa nga pyetjet që u shtruan në pjesën e parë të emisionit, që zgjati rreth 55 minuta.
Të ftuar në studio për të diskutuar për temën ishin:
1.Klodiana Lala
2.Valbona Treska
3.Artan Hoxha
4.Armand Bajrami
Në pjesën e dytë u fol për takimin e Pragës, ku u diskutua ideja e presidentit francez Manuel Macron për krijimin e komunitetit politik europian, ide për të cilën kanë mbajtur qëndrim kryeministri Rama dhe ai hollandez Rutte duke shkruajtur një editorial të përbashkët për këto ndryshime.
Kryeministri Rama në një prononcim ekskluziv për “Opinion”, renditi pikat mbi të cilat ishte diskutuar dhe ishte përqendruar ai.
Të ftuar në studio për temën ishin:
1.Sonila Meço
2.Baton Haxhiu
3.Artan Hoxha
4.Julian Zyla
Në pjesën e tretë të emisionit, në historitë e të enjtes në Opinion, u fol për “Mount Tirana” godinën më të lartë që pritet të ndërtohet në kryeqytet me një lartësi prej 185 metrash.
Për ndërtimin e kësaj godine doli fituese, firma daneze “CEBRA”.
Disa prej pyetjve që iu dha përgjigje ishin: Si do të jetë ndërtesa më e lartë e kryeqytetit? Cila ishte filozofia e kësaj firme? Cilat ishin firmat që konkuruan dhe pse kjo godinë pritet të jetë më e larta dhe interesantja në Tiranë?
Emisionin e plotë mund ta ndiqni në linkun e mëposhtëm.
