Të enjten më 14 shtator 2023, në emisionin “Opinion” u trajtua tema “233 të arrestuar në një ditë, drogë në shkolla!”.
“Opinion” është fokusuar te operacioni i fundit i Policisë së Shtetit që çoi në arrestimin e 214 personave, të cilët kanë qenë përpara të pajisur me masë ndalimi si dhe 19 personave të tjerë, të cilët janë kapur në flagrancë në momentet e arrestimit.
Në total, 233 shpërndarës droge, shumica e tyre pranë shkollave janë vënë në pranga nga policia.
Të ftuar në studio për të folur për këtë temë kanë qenë: Klodiana Lala, Tonin Vocaj, Saimir Kodra, Amarda Gashi, Merin Maçi. Në lidhje skype:Besar Bajraktari, Nina Guga.
Kjo temë është trajtuar në pjesën e parë për rreth 1 orë e 20 min.
Ndërsa në pjesën e dytë dhe të tretë është transmetuar një intervistë me Rolf Moëatt-Larssen, i cili për 30 vjet ka qenë një prej zyrtarëve më të lartë të CIA-s.
