Mbrëmjen e të hënës në emisioni “Opinion” u fokusua në ngjarjet e fundit kriminale. Vrasja e 14-vjeçarit në shkollën “Fan Noli” vazhdon ende të shoqërohet me një sërë pikëpyetjesh. Kush ishte motivi i sherrit mes dy të rinjve? Cilët ishin personat që e ndihmuan autorin të largohej nga vendi i ngjarjes dhe pse arma e krimit u gjend ka vonë? Këto dhe shumë të tjera që lidhen me ngjarjen e rëndë diskutohen nga paneli i të ftuarve në studion e “Opinion”.
Duke qëndruar sërish në zhvillimet e fundit, të hënën SPAK lëshoi 21 masa sigurie. Dy gazetarëve të kronikës së zezë Elton Qyno dhe Artan Hoxha iu komunikua masa e sigurisë “detyrim paraqitje”.
Në pjesën e parë të emisionit do të diskutohet dhe zbardhja e vrasjes së atentatit ndaj biznesmenit Eduart Reçi. Cilët ishin dy vëllezërit që e ekzekutuan dhe si dështoi atentati i tyre i 8 Nëntorit?
Te ftuar: Zylyftar Bregu, Merin Maci, Eni Ferhati, Erjon Ismaili, Bleona Metushi.
Në pjesën tjetër të emisionit u transmetua rubrika “31 minuta” me temat:
– Beton në bregdet! – 25 Nëntor 2024
– Cilësia e tokës dhe certifikimi bio! – 25 Nëntor 2024
