Agjencia e Bashkimit Europian për Bashkëpunim në Drejtësinë Penale, Eurojust, bën të ditur se organizata ndërkombëtare shqiptare e trafikut të drogës me qendër në Durrrës, kishte trafikuar të paktën 1 ton e 800 kilogramë kokainë dhe heroinë.
Në njoftimin zyrtar për këtë operacion të përbashkët mes Shqipërisë e Italisë, Eurojust thotë se anëtarët e grupit kriminal ishin përfshirë në pagesa, shpesh kesh që afërisht shkojnë në shifrën e 5 milionë Eurove.
Agjencia Europiane deklaron se hetimet ishin iniciuar në vitin 2016 nga Prokuroria e Barit dhe Prokuroria e Krimeve të Rënda dhe Policia Shqiptare. Grupi, thotë Eurojust, ishte përgjegjës për transportin dhe shpërndarjen me shumicë të sasive të mëdha të kokainës, heroinës dhe kanabisit të trafikuara midis Ballkanit, Evropës Veriore, Amerikës së Jugut dhe Pulias në Itali.
Në total u lëshuan 52 urdhër arreste. Janë ekzekutuar 42 masa, 30 prej tyre në Shqipëri. Gjatë operacionit të koduar “Ura” u prangosën anëtarë të kësaj organizate, policë dhe biznesmenë.
Gjatë hetimit janë sekuestruar 3 milionë Euro kesh, 3 restorante në Durrës, një bar kafe, 6 shoqëri tregtare dhe 1 televizion në qytetin e Vlorës.
Klan News
