Një sasi prej 48 kg lëndë narkotike kanabis sativa është sekuestruar nga policia në kuadër të një operacioni të koduar “Prita”.
Aksioni i policisë së Vlorës u zhvillua në lagjen “24 Maji”, ku në një banesë u gjet sasia e lëndës narkotike si dhe 97 fidanë kanabis, e mbjellë, ndërsa janë arrestuar në kushtet e flagrancës shtetasit Z.I., 36 vjeç dhe E.B., 30 vjeç.
Policia ka sekuestruar gjithashtu edhe dy automjete, aparate celularë, një peshore elektronike e sende të tjera, ndërkaq materialet iu referuan Prokurorisë për veprat penale “Prodhimi dhe shitja e lëndëve narkotike” dhe “Kultivimi i bimëve narkotike”, kryer në bashkëpunim./Opinion.al
