Aktualitet

Operacioni në Lezhë, Nano: Disa punonjës nuk mund ta prishin imazhin e Policisë


Bëhu pjesë e Grupit Zyrtar të Opinion.al
>> KËTU <<
               Publikuar në : 15:52 - 20/10/21 |
el ida

Pas një operacioni antidrogë të zhvilluar në Lezhë nga Policia dhe SPAK, Drejtori i Përgjithshëm i Policisë së Shtetit Gledis Nano, ka patur një takim me strukturat  vendore.

Në fjalën e tij ai foli për zero tolerancë ndaj kultivuesve të narkotikëve, ndërsa pohoi se ky është një prioritet i policisë.

“Lufta pa kompromis ndaj grupeve kriminale dhe toleranca zero ndaj kultivimit të bimëve narkotike janë prioritet dhe sfidë, ndaj së bashku me drejtorin e ri të angazhoheni për t’i dhënë një impuls të ri jo vetëm kësaj sfide, por gjithë prioriteteve që ka Policia e Shtetit.

Më keni në krah në punën tuaj për të arritur objektivat, por ju siguroj se nuk do të tolerohet asnjë punonjës policie që neglizhon detyrën apo më keq akoma, që bëhet palë me krimin. Respektoni qytetarët, shërbejuni atyre duke iu ofruar një shërbim sa më cilësor, zbatoni ligjin dhe vetëm ligjin dhe ju siguroj se do jem përherë suporti juaj”, tha Nano.

Referuar faktit që mes personave të proceduar janë edhe 5 efektive policie, Nano u shpreh: “Disa punonjës policie brenda strukturës nuk mund ta prishin imazhin e Policisë së Shtetit, duke zhbërë punën e mirë që është bërë deri tani, ashtu sikurse disa individë të tjerë nuk mund ta sfidojnë Policinë”./Opinion.al

 

Pas