Një operacion i SPAK, pas zbërthimit të SKY ECC ka çuar në goditjen e një tjetër grupi kriminal, ku në pranga ka rënë ish-zv.drejtori i policisë së Tiranës, Erzen Breçani dhe djali i tij, Eralbi Breçani.
SPAK lëshoi 11 urdhër arreste, ku 6 prej tyre janë ekzekutuar dhe vijon puna për arrestimin e 5 të tjerëve.
Ndërsa janë bërë publike edhe emrat e të disa të arrestuarve të tjerë dhe akuzat që rëndojnë mbi to.
-Bujar Germizi, i akuzuar për krijim kushtesh për vrasje. Mësohet se Germizi planifikonte të vriste dy vëllezër në Britaninë e Madhe. Ai është një ndër emrat më të njohur të krimit në Kukës.
– Besmir Mustati
– Dedan Gjoni, shef i krimeve në komisariatin e Policisë numër 6, akuzohet për krijim kushtesh për vrasje.
Gjithashtu në kërkim është shpallur edhe Ervin Mata, i cili ka vetëm akuzën për trafik droge./Opinion.al
