Bota

Operacioni i rrallë, ndahen binjaket me kokë të bashkuar


Bëhu pjesë e Grupit Zyrtar të Opinion.al
>> KËTU <<
               Publikuar në : 11:45 - 06/09/21 |
Opi Nion

Një operacion i rrallë është zhvilluar në Izrael, ku janë ndarë dy vajza binjake 1-vjeçare të bashkuara në pjesën e pasme të kokës.

Sipas BBC, operacioni zgjati 12-orë në Qendrën Mjekësore Soroka në qytetin e Beersheba javën e kaluar, ndërsa u kryen disa muaj përgatitje dhe analiza.

Dhjetëra ekspertë nga Izraeli dhe jashtë tij u përfshinë në këtë ndërhyrje kirurgjikale.

Mjekët konfirmuan pas operacionit se vajzat janë në gjendje të mirë shëndetësore.

“Ato janë mirë dhe kanë filluar të ushqehen,” tha Eldad Silberstein, kreu i departamentit të kirurgjisë plastike të Sorokës, për lajmet izraelite Channel 12.

Është hera e parë që një operacion i tillë, i cili është kryer vetëm 20 herë në të gjithë botën, është kryer në Izrael.

Muaj para operacionit, qese silikoni të fryra u futën në kokat e vajzave binjake me qëllim që të zgjerohej periodikisht lëkura e tyre. Lëkura e re më pas u përdor për të mbuluar kokat e tyre.

Për kënaqësinë tonë, gjithçka shkoi ashtu siç kishim shpresuar,” tha neurokirurgu kryesor, Mickey Gideon.

Vajzat, të cilat kanë lindur në gusht 2020, pas operacionit pritet të bëjnë një jetë krejt normale./Opinion.al

Pas