Shtatë persona janë arrestuar, ditën e sotme, pas finalizimit të një operacioni anti-drogë në zonën ndërmjet Fushë-Prezës dhe Valiasit në Tiranë.
Lajmi është konfirmuar nga drejtori i Drejtorisë Vendore të Policisë Tiranë, Ardi Veliu, i cili theksoi se janë sekuestruar 220 bimë kanabis sativa dhe 146 kg kanabis.
Policia tha se strukturat e Drejtorisë Vendore të Policisë Tiranë në “Pyllin e Zenelajve”, ndërmjet Fushë Prezës edhe Valiasit, në bazë të informacioneve të siguruara në rrugë operative, në zbatim të planit të masave për kontrollin e territorit, tuneleve dhe ambienteve të tjera kanë konstatuar vende të përshtatuara për kultivim, të shpërndarë në formë të çrregullt ku u konstatuan në total 220 bimë të dyshuara narkotike e llojit Cannabis Sattiva dhe 146 Kg bimë e dyshuar narkotike e llojt Canabis Sattiva, e futur në thasë, e cila gjendej në thellësinë e një tuneli.
Nexhmi Kallari, 48 vjeç, lindur në Tiranë dhe banues në Çerek, Krujë, në rolin e organizatorit
Mariglen Kallari, 23 vjeç, lindur në Kamëz dhe banues në Çerek, Krujë, në rolin e organizatorit;
Rexhino Kallari, 24 vjeç, lindur në Tiranë banues në Çerek, Krujë, në rolin e organizatorit
Gazmir Sala, 45 vjeç, banues në Laknas, Tiranë ndihmës;
Bledar Sala, 26 vjeç, banues në Laknas, Tiranë ndihmës;
Denaldo Sala, 26 vjeç, banues në Laknas, Tiranë ndihmës;
Mehmet Domi, 18 vjeç, banues në Vorë, Tiranë ndihmës;
Janë proceduar 10 shtetas, të punësuar nga shtetasit e ndaluar. Gjithashtu është sekuestruar një automjet furgon “Ford” për transport dhe 25 aparate celularësh.
Video:
