Një Operacion policor i koduar “DOBRA”, është zhvilluar mes Policisë Shqiptare të Spanjës dhe Gjermanisë me qëllim goditjen e një grupi kriminal në fushën e lëndëve narkotike.
Drejtori i Përgjithshëm i Policisë së Shtetit, Ardi Veliu, gjatë fjalës së tij, në një konferencë të mbajtur në Spanjë, ka thënë se do investigohen të gjitha provat për ti dhënë një goditje më të fortë këtij grupi me qëllim për ta paralizuar atë.
“Edhe policia shqiptare si pjesë përbërëse në finalizimin e këtij operacioni, ka qenë e përshirë që në momentet e para duke ndihmuar me shkëmbimin e informacionit për shtetasit shqiptar të përfshirë. Duke iu mundësuar kolegëve spanjoll thellimin e hetimeve, dhe finalizimin e operacionit me oficerë nga Shqipëria.
Kjo vërteton që policia shqiptare është e pjekur jo vetëm profesionalisht, por është dhe një partner i besueshëm për të gjitha agjencitë e zbatimit të ligjit, për të bërë të mundur goditjen e krimit të organizuar në të gjitha vendet që ka të përfshirë shtetas shqiptar. Ne nuk do të mjaftohemi vetëm me ndalimin e operacionit në këtë stad, por do të vazhdojmë në vendin tonë për të identifikuar dhe investuar të gjitha pronat që kanë ardhur nga rezultat i këtij veprimtarie kriminale për të gjithë shtetasit e përshirë. Duke goditur dhe në pjesën ekonomike i japim një goditje të fortë këtij grupi kriminal, duke e paralizuar atë.
Ky është operacioni i parë i përbashkët që zhvillojmë me kolegët tanë spanjoll, unë besoj dhe shpresoj që do ta vijojmë dhe në të ardhmen operacione të tilla të përbashkëta. Suksese”, tha Veliu.
Gjatë operacionit janë kryer kontrolle në 51 ambiente, nga të cilat 23 plantacione/shtëpi bari, dhe u asgjësuan rreth 25.000 bimë narkotike kanabis, u sekuestruan 938 kg boçe kanabisi, një detonator, dy armë zjarri, tri mjete luksoze, një bllokues valësh, si dhe 68.760 euro etj./Opinion.al
