1 kilogramë e 128 gramë kokainë janë sekuestruar nga Policia e Tiranës. Në njoftimin e policisë thuhet se gjatë operacionit, efektivët kanë ndaluar një automjet, për ta kontrolluar, por drejtuesi i automjetit nuk i është bindur urdhrit të punonjësve të Policisë për të hapur dyert e makinës dhe është larguar me shpejtësi duke rrezikuar jetën e punonjësve të Policisë.
Pas disa minuta ndjekjeje nga ana e Policisë, është bërë i mundur bllokimi i mjetit dhe ndalimi i drejtuesit të tij, i cili është i shoqëruar në ambientet e Drejtorisë Vendore të Policisë Tiranë.
Lidhur me sasinë e kokainës së sekuestruar, policia ka shoqëruar disa persona. Ndërkohë, autoritete vijnë hetimet për identifikimin e personave të tjerë të përfshirë në këtë veprimtari të kundra ligjshme./Opinion.al
