Kronikë

Operacioni anti-drogë italo-shqiptar, ja kush u arrestua në Shqipëri


Bëhu pjesë e Grupit Zyrtar të Opinion.al
>> KËTU <<
               Publikuar në : 17:20 - 30/06/20 |
Al Do

Operacioni i përbashkët i anti-mafias italiane dhe SPAK në Shqipëri, që shkatërroi organizatën e trafikut të drogës, çoi në arrestimin e 37 personave, 7 prej të cilëve në Shqipëri.

Konkretisht të arrestuarit në vendin tonë janë: Julian Bejdollari, 43 vjeç, banues në Vlorë, Aurel Kalari, 53 vjeç, banues në Vlorë, Ilirjan Zaimi, 51 vjeç, lindur dhe banues në Vlorë, Mariglen Duçellari, 65 vjeç, banues në Vlorë, Kleo Bregu, 55 vjeç, banues në Vlorë, Rexhino Muçaj, 25 vjeç, banues në Vlorë, Alban Koshi, 53 vjeç, banues në Vlorë,

Të arrestuarit akuzohen për trafik ndërkombëtar droge në kuadër të një grupi kriminal i cili vepronte prej vitit 2015.

Mësohet se grupi kriminal trafikonte drogë nga Vlora në drejtim të Barit në Itali. Ndërkohë, bëhet me dje se ky grup dyshohet se drejtohej nga Robert Myftari dhe Elton Hamza të cilët janë shpallur në kërkim. Krahas të arrestuarve në operacionin mes dy shteteve u sekuestruan edhe 40 milionë euro drogë.

Ky grup ka operuar prej 5 vitesh në mënyrë aktive në qarkun e Vlorës, Durrësit, Tiranës duke mbledhur drogën e kultivuar dhe duke e trafikuar atë në Itali dhe më pas në vendet e Evropës perëndimore. 4 milionë euro asete sipas hetimeve të bëra deri më tani nga SPAK janë investuar në Shqipëri nga ky grup dhe janë vënë në sekuestro. Ato janë një fabrikë në Vlorë, bar restorant, një biznes shpërndarje pije alkoolike e ushqime, 15 apartamente dhe 7 makina luksoze. Për këtë operacion i cili mori vlerësimet edhe nga Eurojust, shprehen vlerësimet e tyre ministri i brendshëm Sandër Lleshaj, ambasadori i BE në Shqipëri Luigi Soreca dhe ambasadorja e SHBA, Yuri Kim.

Operacioni ishte një bashkëpunim mes Anti- Mafias italiane dhe SPAK në Shqipëri bashkë me Policinë, duke krijuar një skuadër të përashkët për të goditur këtë grup kriminal.

Autoritetet italiane në bashkëpunim me ato shqiptare i kanë filluar hetimet që nga viti 2017, ku u sekuestruan 500 kilogram kanabis, e destinuar të shkonte në Greqi, ndërsa mjetin e transportit tip “Rulo” e drejtonte një shtetas italian.

Në atë operacion u arrestuan Vito Baruceli, 36 vjeç dhe shoqëruesja e tij Dominga Silvestri, të cilët mohuan të ishin të përfshirë në trafikimin e lëndëve narkotike./ Opinion.al

Pas