Policia njofton se është arrestuar dhe personi i cili ishte shpallur në kërkim nga policia në kuadër të operacionit anti-drogë të koduar “Gjergjova”. Mësohet se shtetasi T. D. është arrestuar në qytetin e Durrësit.
Për këtë shtetas, Gjykata e Shkallës së Parë për Korrupsionin dhe Krimin e Organizuar ka caktuar masën “Arrest në burg”, për veprën penale “Kultivimi i bimëve narkotike”, kryer në bashkëpunim.
Më herët u njoftua se hetimet për këtë operacion kanë zgjatur 7 muaj ndërsa janë ekzekutuar 22 masa sigurie.
Konkretisht janë ekzekutuar 15 masa sigurie “Arrest në burg”, 4 masa sigurie “Arrest në shtëpi”, 3 masa “Detyrim paraqitjeje”./ Opinion.al
