Nuk e di nëse iu ka rënë rasti të shihni një faqe në Instagram, e cila quhet “Vipat e bllokut 2015”. Deri këtu nuk ka asgjë të veçantë, por kur e sheh në brendësi argëtohesh me fotografitë që publikohen aty. “Vipat e bllokut 2015”, kanë marrë angazhim të nxjerrin në pah transformimin e vipave shqiptarë me anë të operacioneve plastike. Opinion.al iu sjellë për herë të parë një intervistë me administruesit e kësaj faqeje (që ruajnë sigurisht privacinë) dhe që tregojnë se cilët vipa i kërcënojnë, për fotot e publikuara.
“Vipat e bllokut 2015”, si ju lindi ideja për të hapur këtë faqe?
Duke parë disa persona si kanë qenë më parë e si janë berë tani, (persona që i njihnim personalisht), kane ndryshuar aq shumë sa s’po i njihnim më. E duke vazhduar me të tjeret që i shihnim në Instagram dhe Facebook. Fillimisht na u duken binjakë, pastaj trinjakë, pastaj mijëranjakë, (qesh), u bënë të gjithë njësoj dhe ne kuptuam që kemi të bejm me një epidemi.
Ku i gjeni fotot e mëparshme të personazheve, mos më thuaj që keni qenë ndonjë “maniak” që keni koleksionuar fotot e tyre?
Gërmo Tare, gërmo (qesh).. Fotot e tyre i gjejmë në Google ose në Instagram…
Jeni femër apo mashkull?
Jemi tre veta, gjeje çfarë jemi (qesh)…
Pse e bëni këtë gjë jeni xhelozë për karrierën e tyre?
Nuk e bëjmë për qëllime dashakeqëse përkundrazi, qëllimi i faqes është të sjellim diçka interesante si kanë ndryshuar këta “vipa ” ndërmjet ndërhyrjeve të ndryshme estetike. Disa kanë ndryshuar për mië, e disa të tjera… Pse jo të sesibilizojmë edhe vajzat mos ta ekzagjerojnë dhe të duken dikush që nuk janë. Pse jo ti mësojmë dhe gocave të tjera disa secrete, që të bëhen më të bukura dhe të sigurta në vetvete.
Jeni kundra ndërhyrjeve estetike?
Absolutisht jo, nuk jemi kundër përderisa ky fakt i bën këta njerëz të lumtur por duke ekzagjeruar sjellë efektin e kundërt.
Si reagojnë vipat kur e shohin foton, pasi ju i bën “tag” secilit prej tyre në momentin që postoni një foto?
Shumica na bëjnë “block” si Aurela Hoxha, Endrit Mërtiri etj, por ka dhe nga ata që e marrin me shumë sportivitet.
Ju ka kërcënuar ndonjë nga personazhet publike?
Lori Hoxha na ka kërcënuar nëpërmjet një kushërirës së saj, por nuk kanë munguar edhe kërcinimet e modeles, Vildane Zeneli.
Cilat janë personazhet e ardhshëm, që kanë “fatin e zi” tu publikohen fotografitë?
Kristin Prengaj, Jonida Maliqi dhe Aurela Hoxha, Por kemi goxha material për të shfaqur ende (qesh).
Si ka ecur si faqe jeni të kënaqur me feedback-un e publikut?
S’kemi mbushur ende një javë qe e kemi hapur si faqe dhe jemi shumë të kënaqur, (qesh)…
Ja disa nga fotot e publikuara në këtë faqe:
