Në dy operacione të ndryshme të policisë greke kanë rënë në pranga 3 shqiptarë. Në operacionin e parë në pranga ka rënë një i 18 vjeçar i kërkuar nga Interpol Tirana për “tentative vrasje”, emri të cilit nuk bëhet i ditur. Kjo ngjarje po ndiqet ende nga Prokuroria e Kretës.
Po ashtu është finalizuar një tjetër operacion ku është shkatërruar një grup i strukturuar kriminal. Sipas informacioneve ky grup operonte në Athinë.
Mes të arrestuarve është dhe një 49-vjeçar shqiptar, i cili cilësohet si kreu i grupit. Po ashtu janë arrestuar transportuesi i grupit, taksist grek 57-vjec, një shqiptar 43-vjec dhe një grek 56-vjec, ky i fundit përdorues droge.
Në përfundim të këtij operacioni janë sekuestruar 6 kg 265 gram marijuane, 130 gram hashash cokollate, 145 gram përzierës, sasi të vogla heroine e kokaine, 1 peshore, 820 euro, 4 celulare.
