Një operacioni ndërkombëtar është zhvilluar në bashkëpunim me Policinë e Shtetit, SPAK dhe autoritetet e huaja.
Paraprakisht mësohet se janë lëshuar 26 urdhër-arreste, mes tyre janë edhe 4 punonjës policie. Bëhet fjalë për grup të strukturuar kriminal të trafikut të qenieve njerëzore.
Sipas burimeve ky grup kriminal ka të bëjë me trafikimin e klandestinëve.
Ka qenë ministri i Brendshëm, Taulant Balla, i cili në një prononcim për mediat ka thënë se do të jetë Drejtori i Përgjithshëm i Policisë së Shtetit, Muhamet Rrumbullaku ai që do të bëjë publike rezultatet e këtij operacioni pas disa orësh.
“Drejtori i Përgjithshëm i Policisë së Shtetit diku pas mesditës do të ketë një komunikim të rëndësishëm lidhur me një operacion të madh ndërkombëtar të iniciuar nga Policia e Shtetit në bashkëveprim dhe me punën e shkëlqyer të SPAK me rezultate që do i quaja spektakolare, por që duroni dhe pak orë deri ku Drejtori i Përgjithshëm të njoftojë këto rezultate të cilat presin qartë angazhimin e qeverisë shqiptare kundër këtij fenomeni që është luftë globale”,-ka thënë Balla.
Për më shumë detaje, pritet deklarata zyrtare e drejtorit të përgjithshëm të Policisë së Shtetit.
