Një sasi heroine është sekuestruar sot në qytetin e Elbasanit, gjatë një operacioni të gjerë anti-droge ku duket se janë të përfshira të paktën 3 shtete.
Policia ka arrestuar për momentin 5 persona dhe ka sekuestruar 8 pako heroine.Ngarkesa është kapur në një furgon me lëndë drusore i cili kishte ardhur nga Turqia dhe po shkonte në drejtim të Greqisë.
“Si rezultat i këtij operacioni, në aksin rrugor Elbasan-Metalurgji, në një furgon që transportonte lëndë drusore, që drejtohej nga shtetasi G. B., 46 vjeç, banues në Elbasan, i cili është arrestuar në flagrancë, Policia gjeti dhe sekuestroi 8 pako me lëndë narkotike të dyshuar heroinë me peshë totale 4 kilogramë e 215 gramë heroinë dhe një sasi kanabisi.“, njofton policia.
Sipas ABC News të arrestuarit janë: Hazis Musai, Xhulio Musai, Danjel Xheliaj, Gëzim Balla dhe Endri Karaj.
Operacioni është ende në zhvillim dhe pritet që numri i të arrestuarve të rritet pasi ata janë identifikohet dhe po punohet për lokalizimin e tyre./ Opinion.al
