Aktualitet

“Open Balkan, Serbi e madhe”, Vuçiç-shqiptarëve: Serbinë shiheni si shtëpinë e 2


Bëhu pjesë e Grupit Zyrtar të Opinion.al
>> KËTU <<
               Publikuar në : 13:29 - 21/12/21 |
Opi Nion

Presidenti i Serbisë, Aleksandër Vuçiç, në konferencën për media me kryeministrin Rama dhe kryeministrin e Maqedonisë së Veriut, Zoran Zaev, në kuadër të nismës “Open Balkan”, iu përgjigj të gjithë zërave që thonë se ai kërkon përmes kësaj nisme krijimin e një Serbie të Madhe.

Vuçiç theksoi se nuk duhet të humbasim kohë me këto diskutime të cilat sipas tij i takojnë së shkuarës, por të përqëndrohemi te ardhmja, dhe se si mund të jetojnë më mirë qytetarët e tre vendeve.

“ Me marrëveshjet e firmosura,  kurorëzuam një punë të nisur që prej 2 vite e gjysëm. Kur erdha në Shqipëri pashë që iu kundërvunë kryeministrit Rama për “Ballkanin e Hapur” për ata që thomë se unë dua një Serbi të madhe, ose për atë që thonë që Ballkani i Hapur ka të bëjë me Shqipërinë  e Madhe  kjo nismë nuk ka të bëjë as me njërën as me tjetrën, as me Maqedoninë  e Madhe. Të mos humbasim në këto diskutime të së shkuarës por të përqëndrohemi te ardhmja, ku jemi dhe se si mund të jetojnë më mirë qytetarët e vendeve tona. Ne duam të shikojmë më shumë turistë në Novi Sad, nga Tirana apo Shkupi, sigurisht edhe nga vende të tjera. Duke ardhur sot në Tiranë, dëshiroj të shpreh respektin tim për qytetarët e Shqipërisë, dua që Serbinë ta shihni si shtëpinë e dytë. Edhe ne duam të ndjehemi kështu kur të vijmë në Shqipëri.”, tha Vuçiç./Opinion.al

Pas