Kryeministri Edi Rama në konferencën e sotme me kancelaren gjermane Angela Merkel ka folur ndër të tjera edhe për iniciativën Open Balkan. Gjatë fjalës së tij ai theksoi se kjo iniciativë ndihmon që rajoni të ngrihet nga pikëpamja ekonomike, politike dhe sociale, teksa kritikoi Kosovën që sipas Ramës nuk e shfrytëzon këtë mundësi por bën teori konspiracioni
“Open Balkan është pjellë e procesit të Berlinit, nuk është një nismë në kontradiktë, është pjellë. Nuk ka Open Balkan asgjë brenda që kontradikton me Procesin e Berlinit. Open Balkan është mjeti i Rajonit për të implementuar procesin e Berlinit. Kush thotë se njëra bie ndesh me tjetrën ose e bën me qëllim ose nuk e kupton. Teoritë e konspiracioni, jo po Procesi i Berlinit, Open Balkan janë të organizuara nga forca të tretë apo janë të hedhura këtu nga BE për të na gënjyer ne që të krijojmë këtu një mikro BE janë dokrra. Kancelarja në 2014 në tryezën e kancelarisë ka thënë këtë shprehje. Ju nuk jeni në BE, por jeni Europianë dhe për këtë arsye duhet të nisim këtë proces që bashkë me punën ju së bashku dhe ne bashkë me ju të ndihmojmë që rajoni të ngrihet nga pikëpamja ekonomike, politike dhe sociale. Është e pabesueshme që Kosova nuk e shfrytëzon për veten e vet, por rri dhe bën teori konspiracioni për Open Balkan. Kaq e thjeshtë është”, tha Rama./Opinion.al
