Sportistja holandeze e garave të hipizmit, Adelindje Cornelissen, 4 herë kampione e Europës, fituese e medaljes së argjendit dhe bronzit në Olimpiadën e Londrës katër vite më parë, ka hequr dorë nga Olimpiada e Brazilit. Shkak është bërë një pickim i një insekti që i ka bërë kalit të saj të garës, Parzival, që rrezikoi jetën. Kali i racës që përdorte sportistja holandeze mund të kishte ngordhur nëse nuk do të kishte marë kurimin e duhur apo nëse do të sforcohej duke garuar. Për këtë arsye, sportistja holandeze hoqi dorë nga gara dhe ëndrra e saj për medaljen e artë, për të shpëtuar mikun e saj më të ngushtë, kalin Parzival.
“Miku im, kali që ka dhënë gjithçka për mua gjatë jetës së tij, nuk e meritonte të kalonte gjithë këtë mundim. Ndaj vendosa të përshëndes të gjithë dhe të largohesha nga arena”, tha Adelindje Cornelissen, duke justifikuar mungesën e saj në garë. Për fat, sot kali është jashtë rrezikut për jetën, pasi ndërhyri edhe mjeku veteriner që kishte skuadra. Edhe pse kali Parzival mund të garonte, sportistja e pa që ai nuk ishte në kushtet optimale, ndaj vendosi të tërhiqej për dashurinë ndaj kalit. Një histori dashurie mes njeriut dhe një kafshe, që do të kujtohet gjatë në këtë Olimpiadë të “Rio 2016”.
