Policia e Shtetit ka publikuar sot, skemën e shtrirjes së veprimtarisë së grupit të strukturuar kriminal të bosit të drogës, Met Kanani, arrestuar në Turqi.
Në krye të skemës së hartuar në kuadrin e operacionit “Preçizioni” qendron Met Kanani; një radhë më poshtë, 4 financuesit e grupit kriminal; nën ta, tetë ndërmjetësit dhe kategoria e fundit, magazinuesi dhe 5 transportuesit me skafë dhe kamionë.
Operacioni i kryer në bashkëpunim mes Drejtorisë Hetimore Qendrore në Departamentin e Policisë Kriminale në bashkëpunim me Prokurorinë për Krime të Rënda dhe policitë e disa qyteteve në vend çoi në ekzekutimin e vendimit të datës 11 maj 2018 të Gjykatës së Shkallës së Parë për Krimet e Rënda, e cila kishte caktuar masën e sigurisë personale ‘’Arrest me burg’’, për 18 persona.
Ata janë:
Met KANANI, 56 vjeç, banues në Fier (aktualisht në burg në Turqi).
Redjan DERVISHI, 26 vjeç (aktualisht në burg në Turqi).
Ruvin SPAHIU, 46 vjeç (aktualisht në burg në Turqi).
Besmir LLUPI, 32 vjeç, banues në Vlorë (aktualisht në burg në Turqi).
Mentor MUÇKA, 47 vjeç, banues në Pogradec (aktualisht në burg në Maqedoni).
Alfred SHABANI, 44 vjeç, banues në Gjirokastër.
Armando GJINI, 47 vjeç, banues në Rrëshen.
Iliro HARUNI, 43 vjeç, banues në Fier.
Orges ISLAMI, 40 vjeç, banues në Gjirokastër.
Arvanit ULNDREAJ, 26 vjeç, banues në Tiranë.
Klaudio ULNDREAJ, 25 vjeç, banues në Tiranë.
Florand XHABEJ, 43 vjeç, banues në Korçë.
Gojart JAHELEZI, 33 vjeç, banues në Tiranë.
Lavdim ÇUKU, 44 vjeç, banues në Prrenjas, Librazhd.
Klinsi ALIAJ, 23 vjeç, banues në Tiranë.
Nexhat MLLOJA, 53 vjeç, banues në Shkodër.
Andrea (Sadik) BALLA, 57 vjeç, banues në Prrenjas, Librazhd.
Bilbil HEQIMI, 58 vjeç, banues në Fier.
Gjithashtu u shpall në kërkim S.R, banues në Librazhd.
“Arrestimi i këtyre personave, u bë pasi Prokuroria pranë Gjykatës së Shkallës së Parë për Krime të Rënda në Shkurt të vitit 2017, ka regjistruar procedimin penal lidhur me veprat penale të “Trafikimit të narkotikëve” kryer në bashkëpunim dhe “Grup i strukturuar kriminal”, sqaroi policia.
Këta persona vepronin si grup i strukturuar kriminal, për trafikimin e lëndeve narkotike. Veprimtarinë kriminale e ushtronin në Shqipëri dhe në vende të tjera, kryesisht ato të Bashkimit Europian. Dyshimet ishin se ky grup kriminal vepronte në linjat e trafikimit të heroinës, Turqi – Greqi – vendet e BE-së, si dhe Turqi – Maqedoni – Shqipëri – vendet e BE-së.
Një tjetër aktivitet kriminal, i zbuluar nga hetimet ishte trafikimi i kokainës nga vendet e Amerikës Latine përmes vendeve të Ballkanit në Shqipëri dhe vendet e BE-së.
