Asambleja e Përgjithshme e OKB-së, nëpërmjet një rezolute të miratuar ditën e djeshme i ka kërkuar Moskës tërheqjen urgjente të trupave ushtarake nga gadishulli që formalisht i përket Ukrainës.
Rezoluta e miratuar me 63 vota pro, 62 abstenime dhe 17 kundër, e cila praktikisht nuk ka asnjë vlerë ligjore, konstatonte në unifikimin e mendimit që kanë 193 vendet për çështjen e Moskës dhe gadishullin e Krimesë.
Ndër të tjera, në rezolutë sqarohet se aneksimi nuk do të pranohet nga komuniteti ndërkombëtar dhe dënohet gjithashtu dhe militarizimi i gadishullit, ku sipas informacioneve, Moska po transferon pjesë të teknologjive të saj më të zhvilluara.
Kundër kësaj rezolute të krijuar nga Asambleja e Përgjithshme e OKB-së, votuan kundër vetëm vendet aleate të Rusisë: Kina, Kuba, Venezuela, Irani dhe Siria.
Pushtimi i Krimesë nga Rusia e cila formalisht i përket Ukrainës, ka ndodhur në vitin 2014. Kujtojmë që një hap i tillë ka ngjallur një sërë reagimesh, deri në një përplasje e cila u ka marrë jetën deri më tani 14 mijë personave, ushtarakë dhe civilë./Opinion.al
