Mijëra migrantë po mbahen në kushte ç’njerëzore, në qendrat e ndalimit të refugjatëve në mbarë Libinë, ndaj Organizata e Kombeve të Bashkuara ka bërë thirrje për mbylljen e tyre, duke thënë se këto ndërtesa nuk kanë kushte të përshtatshme.
Ky apel vjen pothuajse dy javë pasi mbi 50 persona u vranë nga sulmet ajrore, teksa ishin duke u mbajtur në një qendër ndalimi në kryeqytetin libian, Tripoli. Shumica e viktimave ishin afrikanë, të cilët kishin ikur nga varfëria dhe konfliktet e armatosura dhe kishin për qëllim të arrinin në Evropë.
Sipas Kombeve të Bashkuara, këto qendra duhet të shkatërrohen menjëherë dhe personat që janë mbajtur në to, duhet të lirohen nëpër komunitetet përreth.
OKB-ja ka qenë vazhdimisht kritike ndaj politikave evropiane që favorizojnë kthimin e migrantëve të shpëtuar në det për në Libi, duke thënë se dy shtet nuk ofron siguri për ta./Opinion.al
