Zyra e Komisionerit të Lartë të Kombeve të Bashkuara për të Drejtat e Njeriut bën me dije se numri i civilëve të vrarë në Ukrainë nga ushtria ruse ka arritur në 1842, , duke përfshirë 148 fëmijë.
Të plagosur janë të paktën 2493, nga të cilët 233 janë të mitur. OKB bën me dije se shifrat mund të jenë edhe më të larta, por numri i saktë i viktimave dhe i të plagosurve num mund të verifikohet për shkak të vështirësive në hetimet në terren.
Lufta në Ukrainë ka hyrë në ditën e dyzet e shtatë, ndërkohë që ushtria ukrainase njofton se po përgatitet për “betejën përfundimtare” në qytetin e rrethuar të Mariupolit. Sipas Kievit, ofensiva përfundimtare e Rusisë në rajon ka filluar.
