Një 28-vjeçar është dënuar me burg përjetë nga Gjykata e Ohaio-s, pasi u deklarua fajtor për përdhunimin e një 9-vjeçareje dhe e la atë shtatzënë.
Gerson Fuentes, 28 vjeç, u deklarua fajtor të mërkurën për dy akuza për përdhunim dhe u dënua në të njëjtën ditë me burgim të përjetshëm me mundësinë e lirimit me kusht pas 25 deri në 30 vjet.
CNN shkruan se vajza ishte 9 vjeç kur u përdhunua, sipas një aktakuze të gjykatës, dhe ishte 10 vjeç kur kreu abortin.
Në korrik, Fuentes pranoi se ai e përdhunoi vajzën të paktën dy herë, thanë autoritetet.
Fuentes heshti gjatë seancës gjyqësore të së mërkurës. Prokurorët dhe avokatët mbrojtës rekomanduan dënimin në një marrëveshje pranimi të fajësisë, tha gjyqtarja Julie Lynch në gjykatë.
Rasti i vajzës tërhoqi vëmendjen globale kur një mjek i Indianapolis zbuloi verën e kaluar se e mitura kishte abortuar. Ky rast mori vëmendje edhe më të madhe pasi u rihap sërish diskutimi i gjerë që bëhet në SHBA për ligjin kundër abortit. E mitura u desh të udhëtonte në Indiana për të kryer abortin pasi në Ohio i ndalon abortet nëse kanë kaluar 6 javët e para të shtatzënisë./Opinion.al
