Operacioni Forca e Ligjit i ka kërkuar sot deklarim të pasurisë dy vëllezërve nga Berati të dënuar për trafik droge në Itali.
Bëhet fjalë për ty vëllezërit Ervis dhe Leonat Gavelli, banues në Berat, dënuar për veprën penale “Trafikim i lëndëve narkotike”.
Leonat Gavelli është dënuar në vitin 2007 në Itali për trafik droge nga Kolumbia në Itali dhe më pas në Zvicër dhe Shqipëri. Ai u ndalua sëbashku me vëllanë dhe një kushëri të tijin pasi ishin cilësuar si koka e këtij rrjeti trafiku nga Amerika Latine drejt Europës duke përdorur korrierë italianë dhe kolumbianë. Leonat Gavelli rezulton gjithashtu se përpara se të arrestohej ka jetuar për disa kohë në Venezuelë.
Në vitin 2015 ai u mor peng në Tiranë nga persona ende të paidentifikuar por më pas u la i lirë. Në deklaratën e tij për policinë atëherë ai tha se nuk i njihte personat dhe se ata e kishin ngatërruar me vëllanë e tij Bledar Gavelli i cili ndodhej jashtë shtetit
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së, të cilat do t’i dërgohen SPAK-ut, për veprime të mëtejshme. /Opinion.al
