Operacioni Forca e Ligjit ka bllokuar këtë martë 6 automjete blinduara në qytetin e Durrësit dhe Shijakut. Mësohet se automjetet të tipit “Benz”, “Jeep” dhe “Audi” janë në pronësi të Xh.T., E.D., B.D., dhe I.Gj.
Gjashtë makinat në pronësi të katër personave, emrat e të cilëve nuk bëhen me dije, mësohet se janë të janë subjekte të OFL-së, të cilët kanë probleme me drejtësinë.
Pas bllokimit, autoritet po kryejn verifikimin e e dokumenteve, për të vërtetuar nëse janë të vjedhura apo blerë sipas proceduarave ligjore.
Ndërkohë, ministri i Brendshëm Sandër Lleshaj ka kërkuar nga Drejtoria Rajonale të Shërbimit të Transportit Rrugor që të pezullojnë çdo targim të mjeteve të blinduara, që hyjnë rishtas në Shqipëri, dhe njëkohësisht të mos rinovojnë asnjë dokument.
Drejtori i Shërbimit të Transportit Rrugor në Durrës, Kreshnik Ternova, në një prononcim për mediat ka bërë me dije se udhëzimi sqaron se personat që e disponojnë një mjet të tillë duhet të paraqiten në Ministrinë e Brendshme dhe është kjo e fundit që do t’i pajisë me leje të veçantë, nëse duan të kryejnë procedurat e targimit dhe të pajisjes me leje qarkullimi.
Gjithashtu në udhëzimin e dërguar, nga ministri Lleshaj konstatohet se mjetet e blinduara posedohen nga individë me precedentë penalë dhe vihet re mungesë informacioni në rastet e ndërrimit të pronësisë së këtyre mjeteve apo edhe problematika të tjera.
Ndërkohë deri më tani nuk ka asnjë raport zyrtar në lidhje me numrin e mjeteve të blinduara, që qarkullojnë në rrugët e Shqipërisë, sepse nuk është mbajtur një database për to./ Opinion.al
