Kuvendi i Shqipërisë ka nisur diskutimin për aprovimin e një marrëveshje midis vendit tonë dhe Bashkimit Evropian, që parashikon vendosjen e oficerëve nga Agjencia e Rojës Bregdetare të Kufirit të Bashkimit Evropian në territorin shqiptar.
Këta oficerë sipas marrëveshjes do të kenë fuqi ligjzbatuese si dhe do të kenë të drejtë të mbajnë armë dhe do të vishen me përgjegjësi penale dhe civile.
Ata do të jenë aty për ruajtur kufirin e Bashkimit Evropian nga dyndja e emigrantëve që vitet e fundit ka pushtuat Evropën.
Marrëveshja është publikuar edhe në faqen Kuvendit të Shqipërisë, ku thuhet se oficerët mund të veprojnë edhe në emër të Shqipërisë edhe pse do kenë shtetësi të huaj.
“Gjatë kryerjes së detyrave dhe ushtrimit të kompetencave të tyre, anëtarët e ekipit do të autorizohen të përdorin forcën, duke përfshirë armët e shërbimit, municionin dhe pajisjet, me pëlqimin e Shtetit Anëtar të origjinës dhe Republikës së Shqipërisë,” citohet në marrëveshje.
“Anëtarët e ekipit gëzojnë imunitet nga juridiksioni penal i Republikës së Shqipërisë në kuadrin e akteve të kryera në ushtrimin e funksioneve zyrtare të anëtarit të përmbushura në përputhje me planin operacional,” thuhet më tej në marrëveshje.
Ndërsa marrëveshja, gjithmonë nëse nënshkruhet, vijon duke saktësuar se:
“Anëtarët e ekipit do të gëzojnë imunitet nga juridiksioni civil dhe administrativ i Republikës së Shqipërisë në lidhje me të gjitha veprimet e kryera prej tyre në ushtrimin e funksioneve të tyre zyrtare sipas planit operacional”
Vetëm në vitet 2015-2016 më dhjetra mijëra shqiptarë kërkuan azil kryesisht në Gjermani dhe Francë, duke u kthyer në shqetësim për këto vende.
Marrëveshja do jetë në fuqi për një kohë të pacaktuar, ndërkohë që është me interest të shikohet se si do të implementohet në terren.
