Skuadra e Juventus i ka bërë një ofertë të çmendur Interit duke ofruar kartonin e Higuain dhe 50 milionë euro për të marrë Mauro Icardin në Torino.
Lajmi raportohet nga mediat italiane ku ditën e djeshme shkruanin se kampionët e ‘Serie A’ i kanë bërë këtë ofertë klubit zikaltër.
Ndërkohë menjëherë pas këtyre zërave në merkato për Icardin, ka reaguar klubi zikaltër nëpërmjet drejtorit ekzekutiv të klubit, Alessandro Antonello, ku ka thënë se do të bëjnë gjithçka për të mbajtur 25-vjeçarin në skuadër.
“Ne do të bëjmë gjithçka që është e mundur për të mbajtur kapitenin, ai është një pjesë shumë e rëndësishme e klubit tonë. Juventus? Sezoni sapo ka përfunduar dhe tashmë po flasim për thashethemet e transferimit. Duhet të qëndrojmë të qetë, ne kemi planet tona. Së pari ne duhet të mendojmë për fundin e vitit financiar, më pas ne do të mendojmë për nënshkrimet për sezonin e ardhshëm” ka thënë Alessandro Antonello për RMC Sport.
Icardi ka një klauzolë largimi nga skuadra zikaltër rreth 110 milionë euro për klubet italiane.
