Mark Marku, i emëruar nga PD si drejtues politik për qarkun e Lezhës, është pyetur ditën e sotme për një video të pak kohëve më parë, kur në “Opinion” ai ofendon deputetin socialist Musa Ulqini.
Për “News 24”, Marku tha se ajo video e shpërndarë nga kryeministri nuk i bën përshtypje sepse e njeh Ramën, ndërsa për aktin e tij është shprehur se ka qenë i ngarkuar emocionalisht, e pohoi se nuk i vinte mirë për veprimin.
“Nuk më bën përshtypje fare. Unë kryeministrin e njoh. E kujtoj atë rast. Nuk më vjen mirë. Por dhe unë jam njeri dhe kam emocione. Edhe Papa gjuajti një grua atje… Unë kisha një shishe në dorë, nuk gjujta. Se Musait i kanë bërë shumë gjëra, i kanë futur karamelen në gojë në mes të rrugës, s’besoj se u fye nga fjala ime…
Unë isha emocionalisht i ngarkuar, sepse po diskutohej ligji për median. Situata ishte shumë kritike. Unë flisja, ai merrte mesazhe me telefon për të më ndërprerë mua”, tha pedagogu Mark Marku.
Kujtojmë që kjo video, në të cilën Mark Marku ofendon deputetin e Partisë Socialiste është ripublikuar ditën e sotme nga kryeministri Rama në llogarinë e tij në “Instagram”.
Ndërkaq po ditën e sotme është bërë e ditur se Mark Marku do të jetë drejtues politik për qarkun e Lezhës./Opinion.al
View this post on Instagram
