Yoshitaka Sakurada, ministri japonez përgjegjës për organizimin e Olimpiadës së Tokios në vitin 2020 ka dhënë dorëheqjen për shkak të një fraze fyese ndaj banorëve të zonave që u prekën nga tërmeti dhe tsunami i vitit 2011.
Gjatë një feste për nder të parlamentarit Hinako Takahashi me origjinë nga një qytet i prekur nga tërmeti, ministri tha se “Takahashi ishte më i rëndësishëm se sa rindërtimi i vendit pas tërmetit”. Kjo frazë u gjykua si ofenduese ndaj banorëve të zonave të goditura nga fatkeqësia natyrore.
Yoshitaka Sakurada u kërkoi falje të gjithë banorëve dhe i paraqiti dorëheqjen kryeministrit Shinzo Abe. Ai u bë i famshëm para disa kohësh, pasi megjithëse ishte i ngarkuari për hartimin e ligjeve të sigurisë informatike, pranoi se nuk kishte përdorur kurrë një kompjuter./Opinion.al
