Komisioni i Disiplinës i Federatës Spanjolle të Futbollit ka dhënë një dënim shembullor për sulmuesin e Atletico Madrid, Diego Costa, i cili është përjashtuar për tetë ndeshje nga kompeticionet vendase. Dënimi i rëndë erdhi pasi në ndeshjen Barcelona-Atletico Madrid, sulmuesi spanjoll ofendoi gjyqtarin Gil Manzano.
Pasi dëgjoi palët e përfshira në këtë çështje, Komisioni i Disiplinës në Federatën Spanjolle vendosi që të dënojë Diego Costën me 8 ndeshje pezullim, nga të cilat 4 ndeshje për fyerje ndaj arbitrit dhe 4 të tjerat për mbajtjen e tij.
Praktikisht, sezoni i lojtarit është mbyllur, pasi duhen edhe 7 javë deri në fund të kampionatit spanjoll, ndërsa madrilenët janë eliminuar edhe nga Kupa e Mbretit. Atletico momentalisht është në vend të dytë në renditje, me 11 pikë më pak se sa Barcelona, dhe vetëm 2 më shumë se sa Real Madrid./Opinion.al
