Një zyrtar i Organizatës Botërore të Shëndetësisë tha të premten se rreth 1,000 trupa të paidentifikuar janë ende nën rrënojat në Gaza, të cilat ende nuk janë përfshirë në numrin e të vdekurve.
“Ne marrim gjithashtu këto vlerësime se ka ende 1,000 njerëz nën rrënoja, të cilët ende nuk janë identifikuar”, tha Richard Peeperkorn, përfaqësuesi i OBSH-së për territorin e pushtuar palestinez, në përgjigje të një pyetjeje në lidhje me numrin e të vdekurve në Gaza.
Autoritetet shëndetësore të Gazës thonë se më shumë se 7000 njerëz janë vrarë nga bombardimet izraelite në përgjigje të sulmeve vdekjeprurëse ndërkufitare ndaj Izraelit nga persona të armatosur të Hamasit më 7 tetor./Opinion.al
