Organizata Botërore e Shëndetësisë (OBSH) deklaroi se aktualisht nuk ka prova shkencore që personat e shëruar nga Covid-19 kanë antitrupa që i mbrojnë nga një infektim i dytë.
Sipas OBSH-së, në këtë pikë të pandemisë nuk ka prova të mjaftueshme mbi efikasitetin e imunitetit të antitrupave për të garantuar efikasitetin e një “pasaporte imuniteti” apo një “certifikate çlirimi nga rreziku”.
Në këtë mënyrë, bie dhe teoria e masës, në të cilën shkencëtarë të ndryshëm besonin se nëse koronavirusi prekte shumicën e popullatës në botë, atëherë do të krijohej një lloj rezistence ndaj këtij virusi të rrezikshëm.
Javën e kaluar, Kili, nisi të shpërndajë “pasaporta të shëndetit” për njerëzit që ishin shëruar nga koronavirusi dhe kushdo që është shëruar nga Covid-19, mund të rikthehet në punë.
Aktualisht, sipas të dhënave të Universitetit Johns Hopkins, nga koronavirusi janë infektuar mbi 2,8 milionë njerëz në të gjithë botën./Opinion.al
