Pandemia e koronavirusit do të bëhet “keq e më keq” nëse qeveri të caktuara nuk ndërmarrin veprime vendimtare për të frenuar përhapjen e sëmundjes, paralajmëroi kreu i Organizatës Botërore të Shëndetit (OBSH).
Dr Tedros Adhanom Ghebreyesus tha që ne po shohim “rritje të rrezikshme të rasteve” në vendet ku “masat për uljen e rrezikut të infektimit nuk zbatohen ose ndiqen”.
“Më lejoni të jem i hapur, shumë vende janë drejtuar në drejtim të gabuar,” tha Dr Tedros në një konferencë në Gjenevë të hënën.
“Virusi mbetet armiku publik numër një, por veprimet e shumë qeverive dhe njerëzve nuk e pasqyrojnë këtë.”
Dr Tedros tha se “mesazhet e përziera nga udhëheqësit” po minonin besimin e publikut në përpjekjet për të mbajtur nën kontroll pandeminë.
Ndërsa Dr Tedors nuk i përmendi ata udhëheqës me emër, disa mund të interpretojnë fjalët e tij të theksuara si një paralajmërim për presidentin amerikan Donald Trump dhe të tjerët që janë kritikuar gjerësisht për trajtimin e tyre të pandemisë.
“Nëse masat bazë nuk ndiqen, ka vetëm një mënyrë që do të shkojë kjo pandemi. Do të bëhet keq, e më keq, e më keq” shtoi Dr Tedros. /Opinion.al
