Bota

OBSH: Mund të mos kemi kurrë një vaksinë efektive për COVID-19


Bëhu pjesë e Grupit Zyrtar të Opinion.al
>> KËTU <<
               Publikuar në : 17:00 - 03/08/20 |
el ida

Organizata Botërore e Shëndetësisë paralajmëroi të hënën se mund të mos kemi kurrë një vaksinë perfekte për COVID-19, dhe se rruga drejt normalitetit do të jetë e gjatë.

Sipas kreut të OBSH-së, ekzistojnë shqetësime se mund të mos kemi një vaksinë që do të funksionojë, ose mbrojtja nga ajo mund të jetë vetëm për disa muaj, jo më shumë.

“Një numër vaksinash tani janë në fazën e tretë të studimeve klinike dhe të gjithë shpresojmë të kemi vaksina efektive, që mund të ndihmojnë në parandalimin nga infeksioni. Sidoqoftë, nuk ka asnjë ‘plumb argjendi’ ndaj COVID-19 për momentin, dhe mbase mund të mos ketë kurrë”, tha ai.

Më shumë se 18 milionë njerëz në mbarë botën raportohet se janë infektuar, dhe mbi 688 mijë persona kanë humbur jetën nga koronavirusi.

Drejtori i Përgjithshëm i OBSH-së, Tedros Adhanom Ghebreyesus dhe kreu i urgjencave të OBSH-së, Mike Ryan, nxitën njerëzit që të zbatojnë me rigorozitet masat shëndetësore siç janë, mbajtja e maskës, distanca fizike, larja e duarve dhe testimi.

“Mesazhi për njerëzit dhe qeveritë është i qartë: ‘Bëni të gjitha”, tha Ghebreyesus, në një konferencë virtuale për media nga selia e OBSH-së në Gjenevë.

Ai tha se maskat në fytyrë duhet të bëhen një simbol i solidaritetit në të gjithë botën./Opinion.al

Pas