Virusi i ri COVID-19 mund të qëndrojë në ajër për disa orë dhe në sipërfaqe të caktuar për disa ditë. Kjo sigurisht që varet nga disa faktorë, si nxehtësia apo lagështia në ajër.
Sipas CNBC-së, Dr. Maria Van Kerkhove, pjesë e OBSH-së, ka sqaruar përfundimet e studimit të ri duke sqaruar se është shumë e rëndësishme që punonjësit e kujdesit shëndetësor të marrin masa paraprake shtesë kur punojnë në pacientë dhe i bëjnë ato procedura.
“Koronavirusi transmetohet përmes piklave të pështymës që dalin nga personi i infektuar kur teshtin apo kollitet. Kur bëhet procedura për të gjeneruar aerosol, procedurë që bëhet nëpër spitale e laboratore, atëherë stërpiklat e pështymës qëndrojnë në ajër për më shumë orë dhe mund të infektojnë më shumë njerëz.”, u shpreh Kerkhove.
OBSH rekomandon që personeli mjekësor të mbajë të ashtuquajturat maska N95 sepse filtrojnë rreth 95% të të gjitha grimcave të lëngshme ose të ajrit.
